Vairengtea Counter Insurgency and Jungle Warfare School (CIJWS), Vairengte chuan Mizoram 83 NCC Cadet te tan ni 14 chhung training a buatsaih a, Indian Army training school tha berte zinga miah naupang mipa leh hmeichhia ten sipai nun tak zirna hun an hmang a ni.
Kar hnih chhung training ah hian NCC training pangngai pelin Cadet te chuan sipai nun dan, ramhnuaia chet dan leh thawh hona tha te an zir a ni.
Cadet te chuan drill, physical training, silai kah, map chhiar, fieldcraft, ramhnuaia dam khawchhuah dan, hliam enkawl hmasak dan leh team-building te an zir bakah jungle warfare, hmanraw chi hrang hrang leh zana thil hmuh theihna te an zir bawk.
He Camp in a tum ber chu Cadet te mahni inrintawkna, discipline, hruaitu nihna leh midang rawngbawl duhna tuhsak niin Mizoram hmun hrang hrang atanga thalai kal khawm te chu group inpawlha training tir an ni.
He hmalakna hi CIJW School-in Mizoram thalaite nena inzawmna a tih ngheh zelna atana pawimawh tak niin, Cadet te chu school training boruakah hruai lutin, ram pum huap institution te nena an inzawmna tih chaka, ram siamna leh ram rawngbawlna hnaah tel ve tura fuihna a ni.
