Central YMA buatsaihin Central YMA Hall-ah Training of Trainers Awareness and Capacity Building Programme on Drugs Abuse Prevention neih a ni.
He hun hi Prof. Lalnuntluanga, Vice President, Central YMA chuan kaihruaiin, M.S. Ralte, Finance Secretary in hunserh a hmang a. S.F. David Ngursangzuala, Asst. Secretary, Central YMA chuan kalkhawnte inhmelhriattirna hun a hmang a ni.
R. Lalngheta, President, Central YMA chuan thu sawiin, ruihhloin kan ram a tihbuai mek lai hian he mi hmachhawn tur hian keini hian theihtawp kan chhuah a ngai a, chumi tur chuan kan inhuam thui pawh a ngai hle a ti a. Kan ram leh hnam ruihhlo laka a him theihna tur chuan tha thlah loa theih tawp chhuah zel turin kal khawm te sawm a ni.
MSD & RB, Social Welfare atangin Lalfakawmi leh Vanlalhruaii ten kal khawmte chu ruihhlo dona kawnga hma lak dan tur chungchang an zirtir a. Chawhnu hun chu Er. H. Duhkima, Treasurer, Central YMA in a kaihruai a, sawi hona hun tha tak hman a ni.
Training of Trainers Awareness Programme-ah hian Central YMA CEC, Sub-Headquarters YMA leh Group YMA hruaitute an tel a, training naa tel te hian anmahni huam chhung theuhah zirtirna an pe leh dawn a ni.
Ruihhlo dona tur hi Ministry of Social Justice & Empowerment, Govt. of India atanga ruahmanna rawn kal anga buatsaih a ni.
