Central YMA leh Central KTP te chu ruihhlo do kaihhnawihah an thawk ho a, ruihhlo vanga buai mi 136 zet an hruai khawm.
October 8, 2026 zanah khan Central YMA leh Central KTP te hian Aizawl hmun hrang hranga ruihhlo vanga buai an zawng a. Anni bakah hian Mizoram Police, Excise & Narcotics leh MSACS te telin hma an la ho a ni.
Ruihhlo vanga buai hruai khawm hna hi Central YMA, Mizoram Police leh Excise & Narcotics ten an thawk a. An hruai khawmte hi Central KTP Ruihhlo Do Core Committee ten lo buaipuiin counselling an neihpui a. MSACS chuan counselling an neihpui bakah an hruai khawmte thisen an test bawk a ni.
October ni 9 zing dar 2 vel thleng hun an hmang a, an hmalakna chungchang sawi hoin hun dangah pawh hetiang hun hi hman zel tha an tih thu an sawi a. Ruihhlo do kawngah tun aia nasa zawka YMA leh kohhran tin te, kohhran thalaite thawh ho zel tha an tih thu an sawi bawk a ni.
