Health & Family Welfare Department hnuaia Commissioner of Food Safety chuan Food Safety and Standards Act, 2006 Section 30 tlawh chhanin, chhang leh sweet siamtu leh zuartute zawm tur dan chungchang hriattirna a chhuah.
Hriattirnaah chuan pastry, cream buns, laddoo, rosgulla, khoya leh a dang zuartute chuan hralh tura an dahna tray emaw, container-ah emaw ei tur hming, siam ni leh best before chu tarlan ngei ngei tur a ni tih a tarlang.
Bakery product funna zawng zawngah pawh FSSAI license number, ei tur hming, veg leh non-veg symbol, siam ni, use by date leh taksa huat theih thil awm te, entirnan, egg, milk, nuts, gluten, soya leh peanuts te chu tarlan vek tur a ni.
FSSAI Advisory File No. RCD-02004/7/2025-Regulatory-FSSAI-Part(1)E 17021, June 12, 2026 a thuchhuah angin ei tur funna bawm chilh nan stapler emaw, thir lam chi dangte emaw hman tawh loh tur a ni bawk.
Commissioner of Food Safety hriattirna tihchhuahah hian dan zawm lo te chu Food Safety and Standards Act, 2006 hmangin hrem theih an nih thu tarlan a ni.
