Food, Civil Supplies & Consumer Affairs Department chuan Biometric Aadhaar Authentication tih tur chungchangah LPG consumer te hnenah thuchhuah an siam a, hemi ti lo te chuan October 1, 2026 atang khan a man tlawmin gas an la thei tawh lo a, subsidy tel loin a man an pek a ngai tawh tihna a ni.
Ministry of Petroleum and Natural Gas-in ruahmanna an siam anga India ram chhunga domestic LPG consumer ten Biometric Aadhaar Authentication (BAA) an ti ngei ngei tur a ni a tih angin Mizoram chhungah pawh hun enge maw chen atang khan oil company hotute leh Agency ten hma an la tawh a. Heti chunga Biometric Aadhaar Authentication la ti Io chuan LPG rate pangngai angin October 1, 2026 atang khan an la ve thei tawh dawn Io a ni.
He ruahmanna hian a tum ber chu LPG subsidy rate-a a chang tur dik tak ten LPG an chan theuh theihna atan a ni a, chumi tihhlawhtlin nan chuan BAA hi LPG consumer zawng zawng ten an tih ngei hi sawrkar laipui chuan a phut thung a ni.
Biometric Aadhaar Authentication la ti lo te tan tih dan kawng hrang hrang a awm a, a semtuten gas book te ina gas an dah hunah gas dahtuten OMC mobile app kal tlangin an tihsak thei a, consumer ten anmahni gas agency office panin an Io tihsak thei bawk a ni.
Mahniin OMC mobile app hmangin tih theih a ni bawk a, IOCL customer te tan Indian Oil ONE atanga tih theih niin, BharatGas customer te tan Hello BPCL atanga tih theih a ni a, HP Gas customer te tan HP Pay atanga tih theih a ni.
PMUY portal-ah e-KYC tih dan video tutorial en tur a awm a, https://www.pmuy.gov.in/e-kyc.html ah hian video en theih a awm a ni.
Food, Civil Supplies & Consumer Affairs Department chuan hei hi Mizoram chhunga LPG connection nei zawng zawngten ti ngei turin an chah a, he Biometric Aadhaar Authentication ti ve lo te chuan man to zawka LPG hi an lak a ngaih dawn avangin ngaipawimawh turin mipuite an chah a ni.
