Harry Kane chuan a career-a a vawi khatna'n football khawvela chawimawina ngaihhlut Men's Ballon d'Or a dawng. Bayern Munich leh England striker, kum 33 mi hian he award dawng tur hian Real Madrid striker Kylian Mbappe leh Barcelona wonderboy Lamine Yamal-te a khum a ni.
October 27, 2026 (Thawhlehni) zing dar 1:30-ah khan London-a Palladium Theatre-ah lawmman semna hun hi hman niin, he hunah hian season hmasaa ram leh club tana game 65-a goal 73 zet khungtu Harry Kane chuan lawmman hi a dawng a, kum 25 liamtaa khatih laia Liverpool tana khel Michael Owen hnua English mi, he award dawng leh thei hmasa ber hi a ni. Harry Kane hian goal khung tam ber lawmman "Men's Gerd Muller Trophy" a dawng bawk.
Ballon d'Or sem zanah hian lawmman dang pawh sem niin, hmeichhe football thiam ber lawmman "Ballon d'Or Féminin" chu Barcelona leh Spain player Alexia Putellas kutah hlan niin, Best Young Player atan Lamine Yamal (Barcelona / Spain) thlan a ni a, Men's Club of the year atan UEFA Champions League champion Paris Saint Germain chu thlan an ni bawk.
2026 Men's Ballon d'Or Top 10 Rankings:
1. Harry Kane, Bayern Munich / England
2. Kylian Mbappé, Real Madrid / France
3. Lamine Yamal, Barcelona / Spain
4. Rodri, Manchester City / Barcelona / Spain
5. Lionel Messi, Inter Miami / Argentina
6. Khvicha Kvaratskhelia, Paris Saint-Germain / Georgia
7. Ousmane Dembélé, Paris Saint-Germain / France
8. Erling Haaland, Manchester City / Norway
9. Michael Olise, Bayern Munich / France
10. Fabián Ruiz, Paris Saint-Germain / Spain
