Indian guitarist tha Mahesh Tinaikar chu kum 63 mi niin Mumbai-ah lungphuchawlin a thi.
Mahesh Tinaikar hian 1984 ah khan khatih laia India rama rock band lar ber pawl Rock Machine band a din a, 1988 ah 'Rock n Roll Renegade' album an tichhuak a, 1990 ah an album pahnihna 'The Second Coming' an tichhuak leh bawk a ni.
An band hming chu Indus Creed tiin an thlak a, 1995 ah khan an band hming album an tichhuak a, he album 'Indus Creed' ah hian 'Trapped' tih leh 'Pretty Child' te chu a lar zual an ni.
Indus Creed an keh darh hnuah Mahesh Tinaikar hian 2009 ah khan Whirling Kalapas tih chu dinin, vocalist Uday Benegal leh multi-instrumentalist Sankarshan Kini te nen an inkawp a. He mi hnuah hian amahin a kal hrang zui a ni.
2010 ah khan Indus Creed chu an inzawm khawm leh a, 2012 ah khan 'Evolve' album an tichhuak zui a. He album-ah hian 'Dissolve' tih leh 'Fireflies' hla siam that te an dah tel a. March 2026 a Mumbai khawpuia British rock group Def Leppard an rawn zai khan Indus Creed pawh hi an inlan ve nghe nghe a ni.
