Mizoram Police chuan internet kal tlanga inbumnaah kumin chhungin Rs. 1,06,44,416 chu hetiang tuarte hnenah a pe kir tawh.
An thuchhuaha an tarlan danin Mizoram Police chuan internet kal tlanga sum chungchanga inbumnaah kumin chhungin cheng vaibelchhe khat, nuai ruk, sing li, sang li, zali leh sawm paruk an hmu kir tawh a, heng hi a neitute hnenah pek let tawh a ni a. Heng bakah hian social media-a zahmawh rawngkai leh dan kalha che te account tam tak chu tihchhiatsak tawh an nih thu an sawi bawk.
Cyber Crime Police Station ten cyber criminal mi 9 an man tawh thu sawiin Mizoram Police te chuan cyber crime laka invenna chungchang zirtirna chu sikul leh college zirlaite hnenah vawi 89 kalpui tawhin, zirlai 9000 chuangin zirtirna an chhim tawh tih an sawi bakah, chanchinbu leh TV leh radio kal tlanga mipui tana pawimawh hrang hrang thehdarh thin a nih thu an sawi bawk a ni.
