Mizoram Truck Driver Association chuan thuchhuah siamin, Kolasib leh Bairabi inkar kawng chhia siam tura an ngennain awmzia a neih theih loh avangin 6.10.2026 atang chuan buhfai phur an tlan dawn rih loh thu an tarlang.
An thuchhuahah hian Mizoram Truck Driver Association chuan Kolasib leh Bairabi inkar kawng chhia chu thuneitute hnenah vawi eng emaw zat chu hnawhsak tura an ngen tawh thu an tarlang a. Hetianga an ngen tawh hnuah pawh hmalakna mumal a awm loh avangin kawng a chhiat belh zel si a, buhfai phur tan tlan ngamna a ni tawh lo tih an tarlang bawk a ni.
Thuneituten tlan ngamna tawka kawng an siamsak hma chuan 6.10.2026 atangin buhfai phura an tlan tawh rih loh tur thu tarlang a, mipuite hriatthiamna an ngen nghal bawk a ni.
