Ram chhunga state hrang hrang Goods and Services Tax dinhmun tarlanah Mizoram GST chu nikum 2025 September thla chhunga khawn aiin kumin September thlaah za zela 24 in a pung.
Ministry of Finance tarlan danin India ram chhiah khawnna atan July 2017 atangin GST hman a nih hnuah ram pum huapa GST khawn chu a pun belh zel a. Kumin 2025 September thlaah Mizoram chuan GST atangin cheng vbc 17 a hmu a, kum hmasa September ah cheng vaibelchhe 14 hmuin, nikum September thlaa khawn zat a khumna hi za zela 24% a ni tiin Union Finance Ministry thuchhuah chuan a tarlang a. Hetih lai hian Post Settlement lamah chuan September 2025 ah Rs. 72 crore a nih laiin September 2026 ah Rs. 71 crore a ni tih Finance Ministry thu chhuah chuan a tarlang bawk.
Ministry of Finance tarlan danin ram pumah GST pungin nikum September 2025 thlaa khawn zat Rs. 177,365 crore aia kumin September 2026 thlaa chhun khawm zat punna Rs. 26,156 crore a ni a, a punna 14.7% a ni.
India ram chhung atanga chhiah khawn cheng vbc 124,491 (61.17%) a nih laiin ram pawn atanga bungrua leh thil chawk luh atanga chhiah (Gross Import Receipts) zat chu cheng vaibelchhe 52,028 (38.83%) a ni a, kumin September thla chhung hian GST refund cheng vaibelchhe 27,001 a awm laiin August thlaah erawh cheng vaibelchhe 31,795 a ni thung a ni.
