1.10.2026 tlaia Sateek daia lirthei chesualah mi pathum an thi a, pakhatin hliamna na tak a tuar.
An chuanna Bolero-ah hian a khaltu nen mi pali an chuang a. Sialsuk leh Hmuifang inkar, Sateek dai kawng thlangah tlan liamin a hmunah hian mi pathum an thi a, pakhat chuan hliam na tak a tuar a. Heng sawrkar official te hi an hna avanga Sialsuk tlawh an ni a, an haw lamah an chesual ta a ni.
Lirthei chetsualna avanga thite hi IIS officer pahnih - Nampibou Marinmai, DD News Aizawl Director leh Dr. Engam Pame, Addl. Director General, PIB Regional Office Imphal bakah H. Lianvela, MTS, CBC, Aizawl, Chawlhhmun te an ni.
Lirthei khalhtu Gojendro Dey, Driver Central Bureau of Communication (CBC), Aizawl chuan hliam na tak a tuar a ni.
An chetsualna hmun hi sakei zuan thlakna kham tia sawi thin a ni a, a chhengchhe hle a, hei vang hian ruang lak chhuah pawh a harsa hle a. Zan dar 8:30 velah khan an la chhuak kim thei hram a ni.
