Mizoram State Chief Information Commissioner John Neihlaia chuan Mizoram RTI Online Version 2.0 a tlangzarh.
RTI Online portal thar hi Mizoram Information Commission (MIC) leh Mizoram State e-Governance Society (MSeGS) tangkawp buatsaih a ni a. Tlangzarhna inkhawm hi State Information Commissioner Mangjangam Touthang chuan a kaihhruai a ni.
Version 2.0 hi a hmaa mi, Version 1 aiin hman a nuamin kawng tam takah tihchangtlun a ni.
State Chief Information Commissioner John Neihlaia chuan he portal thar hi computer atanga hman a that ber thu a sawi a, Mizoram chu RTI case chin fel kawngah India ramah pakhatna a nih thu a sawi bawk.
Unique ID hmanga tracking tih theih a nih bakah, SPIO leh FAA ten hun tiam chhunga RTI an chhan loh pawhin diltu hnenah appeal theh lut turin system hian hriattirna a pe thei tawh dawn a ni. Portal-ah hian Mizo tawngin FAQ dah a ni bawk a, MSeGS hian a thlawnin he system hi an enkawl dawn a ni.
