Lungphu Enkawlna Kawnga Hmasawnna chhinchhiah Tlak: Abbott AVIER Leadless Pacemaker chu vuah a ni ta.
Mizorama a vawi khatna atan Abbott AVEIR VR Leadless Pacemaker chu Civil Hospital Aizawl-ah Dr. Loncy V. Lalzarliana leh Dr. Isak Lallawmkima leh an thawhpui te chuan vawiin (5.10.2026) ah hlawhtling takin an dah a. Dr. Uday Shankar Das Apollo Multi Speciality Hospital, Kolkata endikna hnuaiah pacemaker hi hlawhtling taka vuah a ni.
Pacemaker pangngai, awma zai ngai, vun hnuaia khawl dahna tur siam ngai, thisen zam kal tlanga hrui dah ngai thin kha, leadless pacemaker-ah hi chuan, kap (Femoral) atangin catheter hmangin lung chhungah dah luh a ni a. Zai hawn a ngai ve lo a, awm zai ngai lo leh vun hnuaia khawl dahna siam ngai lo leh thisen zam kal tlanga hrui dah ngai lo a nih avangin a hautak lo zawk a ni.
Damlo hi kum 67 mi niin pensioner a ni a, pacemaker vuah hi MUHCS hnuaiah Civil Hospital Aizawl ah tih a ni.
A hmaa pacemaker inzai hawn ngai chi-ah kha chuan a battery in kum 9 atanga kum 11 vel a daih a, Abbott Leadless Pacemaker battery chuan kum 18 atanga kum 21 chuang a daih a ni.
He hmalakna chhinchhiahtlak tak hian Civil Hospital Aizawl Cardiology Department chuan lung lam enkawlna sang zawk a pe thei ta tih a tilang a, ram chhunga lung tha lo enkawlna kawngah bung thar a kaitir a ni.
