MZP Sub-Headquarters Bilkhawthlir chuan hnam dang mi, dan loa Mizorama lut Serlui B tuikuah kam luia sangha man mi 26 te chu an ramah an thawn kir.
Nilainiah khan MZP Sub-Headquarters Bilkhawthlir chuan hnam dang mi 26 te chu Mizoramah dan loa lut tawh loh tur leh Mizoram lui dunga sangha tichereu zawnga hma la tawh lo turin an hriattir a. A hnu leh a awm a nih chuan dan anga na taka hma lak a nih tur thu hrilhin an ramah an thawn kir tih an sawi.
MZP chuan Mizoram chhunga hnam dang permit nei lo, zalen taka an lo lut thin chu hriatthiam harsa an tih thu an sawi a. Ram leh hnam humhimna atan Inner Line Permit (ILP) hi mipuiten ngai hlu leh zual a, hnam dang kan chhawr turte lakah pawh khauh taka kalpui thin turin kan inngen nawn leh a ni an ti.
