Mizoramah nikum 2025-26 chhung khan raicheha thi mi 23 leh nau ni 28 aia sen thi 171 an awm.
National Health Mission Mizoram hnuaia Reproductive, Maternal, Newborn and Child Health (RMNCH) report hnuhnung ber 2025-26 report-in a tarlan danin sawrkar kum liam ta, April ni 1, 2025 atanga March ni 31, 2026 chhung khan Mizoramah raicheha thi mi 23 awmin, Aizawl district-ah 8 thiin an tam ber a. Lunglei district-ah 6, Lawngtlai district-ah 3, Kolasib leh Mamit district-ah 2 ve ve, Champhai leh Siaha district-ah 1 ve ve an awm a, nau neih zawha thi put chu an thih chhan langsar ber a ni.
Nikum 2025-26 chhung khan ni 28 hnuai lam nausen thi 171 an awm a, kum 1 hnuai lam thi 306 awmin, kum 1 leh kum 5 inkar thi 68 an awm bawk a. Nikum chhung khan kum 5 hnuai lam thi chu an vaiin 374 an tling a ni.
2025-26 chhung khan Mizoramah nau nei 20,018 awmin, heng zinga 18,555 (92.69%) chuan damdawi inah nau an nei a, midang 1,463 (7.31%) chuan in lamah nau an nei. In lama nau nei hi Lawngtlai district-ah 622 awmin an tam ber a. Mamit district-ah 310 leh Lunglei district-ah 330 awmin, in lama nau nei tam zualna district an ni.
