Indian Medical Association, Mizoram Government Doctors' Association, Indian Dental Association, Non Government Hospital Association of Mizoram leh Zoram Medical College Faculty Doctors' Association te chuan October 23, 2026 ah hian Siaha-ah Multi Speciality Clinics an buatsaih dawn.
Multi Speciality Clinics-ah hian Mizoram hmun hrang hrang atangin doctor chi hrang hrang an tel dawn a, Super Specialist, Specialist leh staff zawng zawng nen mi 60 vel kal tura beisei an ni.
Hmun kilkhawr zawka mipuiten Specialist Doctor an chhawr theih nan Multi Speciality Clinics hi ruahman a ni a, Mizoram hmun hrang hrangah hetiang hi vawi 14 an buatsaihna tur a ni.
