Mizoram Liquor (Prohibition) Act, 2019 hnuaiah August, 2026 chhung khan Excise & Narcotics Department (END) leh Police Department chuan zu zuar 569 an man bakah zu rui 10 an man bawk.
END chuan August 2026 chhung khan zu zuar 545 manin, zu rui 5 an man a. He mi thla chhung vek khan Police in zu zuar 24 leh zu rui 5 an man ve bawk a, zu kaihhnawihah hian END chuan lirthei 10 manin Police in 5 an man bawk a ni.
August thlaah hian END in rakzu litre 6171.770 manin, Police in litre 1939 an man a. END hian zu bilh lai tin 26,996 an tichhia a, zu sakna bel 45 an man bakah BEDC litre 212 an man tel bawk.
Sap zu (IMFL) um puitling (750 ml) chu END in bottle 399 an man laiin Police lamin bottle 6062 lai an man a, IMFL hi END chuan 375 ml bottle 43 leh 180 ml bottle 31 an man a, beer 650 ml bottle 8 manin, canned beer 500 ml chu END in can 293 an man laiin Police hian litre 6,552 an man bawk a ni.
Ram dang atanga lak luh sap zu um 4, beer um 12 leh canned beer 121 chu END hian an man bawk a ni.
