Thlasik hun chhungin lirthei intlanchhawk dan tihdanglam a ni dawn a, hei hian 5.10.2026 atanga 12.2.2027 thleng a huam ang.
Lirthei zawng zawng (mimal motor, Sorkar motor leh bungraw phur lirthei leh District dang lirthei leh State pawna lirthei register te pawh huamin intlanchhawk hian zing dar 9:30 atanga tlai dar 5:00 thleng a huam ang. Lirthei intlanchhawk hian Inrinni, Pathianni leh sawrkar chawlh te a huam lo ang.
Taxi (LMV leh Two wheeler) te chu Group 5, sticker A, B, C, D leh E hmanga tlanin ni khatah group pakhat zel an chawl ang a, zing dar 9:30 atanga tlai dar 5:00 inkarah an intlanchhawk ang. Tin, Inrinni leh Pathianniah taxi (LMV leh two wheeler) te hi an vaia tlan chhuah phalsak an ni.
