Hmangaihsangi chuan New Delhi khawpuia 12th National Level Exhibition and Project Competition neih zawh takah INSPIRE MANAK Award 2026 a dawng.
Government Mizo Higher Secondary School-a Class XI zirlai Hmangaihsangi hian Neuhof School, Chanmari-a Class 8 a nih lai, 2023 ah khan lawmman a dawn theihna project hi a lo buatsaih tawh a ni.
He project ‘Prosthetic Leg’ tih hi India ram chhunga state leh Union Territory hrang hrang atanga project 798 zet lut zinga lawmman dawng tur 60 an thlan chhuah zingah a tel thei a ni.
Mizoram atangin zirlai 8 leh anmahni kaihruaitu zirtirtu 2 chu he inelnaah hian an inlan a. New Delhi khawpuiah October 12 atanga October 14 chhung khan inelna hi buatsaih a ni.
India sawrkar hnuaia Department of Science and Technology chuan India ram chhunga sikul naupang suangtuahna leh ruahmanna tha tak tak chu ni tin nuna hman tangkai a nih theih nan chawisan zel tumin hma an la nasa a. Tun tuma intihsiakna pawh hi chutiang kawnga hma an lakna peng pakhat a ni.
