Lalrinfeli Hnamte, New Delhi chu Samsung Research & Development Centre, Bangalore-ah Software Engineer hna thawk tura lak niin, kumin November thla atangin a thawk tan ang.
Samsung Electronics hi khawvel pum huapa company lian leh ngaihhlut berte zinga mi a ni a. Lalrinfeli hi Tagore International School, New Delhi-a lekha zir thin niin, CBSE Class 10 (2020) ah 93% leh Class 12 Science (2022) ah 96% hmuin a pass a. JEE Mains 2022 ah 95% hmuin Delhi Technological University-a B. Tech, Computer Science & Engineering (CSE) zir a thlang a. He degree hi kuminah 8.54 CGPA hmuin ‘First Class with Distinction’ ah a zo leh a ni.
B. Tech (CSE) final year a zir laia a research paper ‘Hybrid-Encoding Multiparty Quantum Key Agreement with Dual-Parity Verification’ (Designing protocols for cost effective and secure data exchanges through cloud services in the future 6G era) chu Institute of Electrical and Electronics Engineers (IEEE), khawvela engineer te intelkhawmna pawl lian ber pakhat chuan kumin kum tawpa International Conference on Networks and Cryptology (NetCrypt 2026), New Delhi-a neih turah 'Oral Presentation and Publication as a Full Paper' turin a thlang.
B. Tech a zir pah hian Uber company-ah She++ Mentorship, Microsoft Company ah Software Developer Intern (Generative AI Development, Retrieval-Augmented Generation) leh Start-up Forsyt (Venture Capitalist T9L company) ah Software Engineer hna te a chawlh chhungin a lo thawk kual tawh bawk a. An University-a Entrepreneurship Cell ah Co-Head a nih bakah Placement Coordination leh Basketball team member a ni bawk.
Lalrinfeli Hnamte hi Lalchhandama, Joint Secretary, Ministry of Rural Development, Government of India leh Er. Lalthanpari, Scientist, Bureau of Indian Standards, New Delhi te fanu a ni.
