Ministry of Agriculture & Farmers Welfare buatsaih, kum tin October ni 15 a hman thin 'Mahila Kisan Diwas' New Delhi-a neihah Mizoram atangin Pi B. Lalthuami, Serchhip P & E veng chuan chawimawina a dawng.
He chawimawina hi India ram state hrang hranga hmeichhia, loneitu entawntlak mi 30 thlan chhuah te hnenah hlan a ni a. Pi B. Lalthuami, Serchhip P & E Veng hi he chawimawina dawng tur hian Agricultural Technology & Management Agency (ATMA), Serchhip kal tlanga thlan chhuah a ni.
Pi B. Lalthuami hian lo neih, huan thlai siam leh ran vulh kawngah sulhnu tha tak neiin, Self Help Group kal tlanga hmeichhe loneitu dangte kaihhruai leh zirtirna kawngah a thawh hlawk hle.
