National Payments Corporation of India (NPCI) chuan UPI kal tlanga mimal leh dawrkai thenkhatte hnena pawisa thawn man chawi hun tur a sawn hla.
NPCI chuan thuchhuah siamin UPI and Services Steering Committee chuan nimin atanga hman tan tura tih he ruahmanna hi kut vanglai a nih avangin mipui leh sumdawngte phurrit chhawk nan Diwali hman zawh lama hman tan a ni dawn a ti a. Merchant Discount Rate (MDR) charge hman tan ni tur dik tak erawh chu puanzar a la ni ang.
UPI kal tlanga mimal leh mimal inkara pawisa inthawnte chu a zat a zirin engmah chawi belh ngai loin a thlawnin a la kal chhunzawm zel dawn a. He MDR charge hi mimalin sumdawngte hnena cheng sang hnih chuang an pekin lak a ni chauh ang.
Sumdawng tenau, kawtthlera thil zuar leh thla khata UPI hmanga cheng nuai 1 thlenga pawisa dawng thinte erawh chu he MDR ruahmanna thar hian a nghawng ve dawn lo a ni.
