Aizawl West-II a veng paruk - Dinthar, Tuikual North, Tuikual South, Vaivakawn, Dawrpui Vengthar leh Kanan te inelna MLA Cup chu November 3, 2026 ah Youth Activities Centre, Dawrpui Vengthar-ah hawn a ni.
Aizawl West-II MLA Cup ah hian infiamna chi ruk - Badminton, Basketball, Cricket, Football, Futsal leh Volleyball ahte inelna a awm dawn a. Infiammi naupang zawkte thiamna hai chhuah leh tah hriamna a nih dawn bakah bial chhung inpawhna turin upa zawkte tel theihna tur pawh duan a ni.
Hawn hnuah hian Youth Activities Centre, Dawrpui Vengtharah basketball hmanga inelna neih tan nghal a ni.
Badminton inelna chu Dinthar YMA Indoor Stadium-a neih a ni ang a, cricket leh football chu Aizawl West Joint YMA Field-a khelh tur niin, futsal chu Tuikual North Futsal Ground-a khelh a ni ang a, volleyball chu Aizawl West Joint YMA Auditorium-a khelh tur a ni.
MLA Cup hi November 26, 2026 zanah Tuikual North Futsal Ground-ah kharna hun hman a ni ang.
